Ang Dakbayan sa Zamboanga mao ang tinubdan sa ginadiling droga (shabu) nga ania karon sa Zamboanga del Norte.
Mao kini ang gibutyag ni Philippine Drug Enforcement Office nga nakabase dinhi sa Zamboanga del Norte, atol sa Joint Provincial Drug Abuse Council (PADAC) ug Provincial Development Council (PDC)meeting nga gipahigayon Hunyo 27, 2024 sa Zamboanga del Norte Convention and Exhibition Center nga nahimutang sa Barangay Estaka, ning Dakbayan sa Dipolog.
Matod pa ni PDEA Provincial Director Ariel Escudero midoble karon ang gidaghanon sa ginadiling droga sa Zamboanga City, ug gituhoang labing unang nahitabo sa kasaysayan sa ginadiling droga dinhi sa Zamboanga Peninsula Region, base sa gidaghanon sa ginadiling droga nga nakompiska sa Dakbayan sa Zamboanga sa unang bahin ning tuig 2024.
Sa samang higayon, gibutyag ni Mr. Escudero nga misulod misulod sa Zamboanga del Norte pinaagi sa lungsod sa Siocon ug gipakatap sa nagkalain-laing kalungsuran gamit ang halapad nga kabaybayonan ning lalawigan.
Ang mga lungsod sa Siocon, Sibuco ug Tampilisan, colored red, mao ang unang tulo ka mga lungsod nga 30% apektado sa ginadiling droga, Baliguian, Leon Postigo, Gutalac, Liloy ug Salug (brown) 8% nga apektado.
Dugang pa ni Mr. Escudero ang mga nadakpan sa PDEA sa Zamboanga del Norte nga nalambigit sa ginadiling droga sa unang quarter sa 2024, katumbas sa kinatibuk-ang nadakpan nga nalambigit sa ginadiling droga sa 2023.
Nanawagan si Mr. Escudero sa mga opisyales ug mga residente sa Zamboanga del Norte nga masumpo ang pagsulod ug pagkatap sa ginadiling droga dinhi sa probinsya.
Ang Zamboanga del Norte mao ang labing ubos nga apektado sa ginadiling droga sa rehiyon 9, gumikan hiningusgang kampanya sa PDEA ug PNP batok sa ginadiling droga dinhi sa lalawigan.
Alayon niini, gipasalamatan ni Mr. Escudero ang Zamboanga del Norte Police Provincial Office nga gipanguluhan ni Col. Rainier Diaz sa malampusong operasyon sa PDEA dinhi sa lalawigan gumikan sa pagbinayloay sa mga intelligence information may kalabutan sa illegal drugs proliferation dinhi sa probinsya.
Ang Second Quarter Joint PADAC,PDC Meeting, gipanguluhan ni Governor Rosalina “Nanay Nene” Jalosjos nga girepresentahan ni Provincial Administrator Mr. Wilberth “Jojo” Magallanes gitambungan nil ani Mutia Mayor Lorimer Adaza, Baliguian Mayor Gani Esmali Jr., Katipunan Mayor Jose Michael Miko Wong, Godod Vice Mayor Samuel Labad nga mirepresentar ni Mayor Abel Matildo, mga representante sa mga mayor sa nagkalain-laing lungsod ning lalawigan, Civil Society Organizations, PNP, PDEA ug ubang mga ahensiya nga nakabase sa Zamboanga del Norte. (Angelica T. Obina)
(Source: PIC-ATRuda, Nena Garcia, with Jeffrey Lacay, Mark Potot, Raymond Garovillo and Dhomemar Reluya-photographers)