Gisugdan na sa School Governance and Operations Division (SGOD) ang duha ka adlaw nga Workshop sa pag-andam sa SGOD Masterplan alang sa CY 2026 nga gipahigayon sa SDO Conference Hall niadtong Enero 22–23, 2026.
Tumong sa kalihokan ang pagpalig-on sa paghatod sa serbisyo sa edukasyon ug paghiusa sa tanang Programa, Proyekto, ug Aktibidad (PPAs) aron matumbok ang Key Result Areas (KRAs) sa dibisyon.
Lakip sa gipunting sa workshop ang strategic planning, monitoring and evaluation, pagpaayo sa Individual Performance Commitment and Review Form (IPCRF), ug pagpalig-on sa kolaborasyon tali sa SGOD personnel, district staff, ug school nurses.
Gilauman nga ang resulta sa workshop mao ang usa ka klaro ug nagkahiusang roadmap nga magsilbing giya sa SGOD sa mas episyente nga pagsuporta sa mga eskwelahan ug magtuton-an sa 2026.(IKEN B. GULLEM)
Source: DepEd Tayo-Division of Dapitan City