Nagtingkagol karon sa prisohan homan masikop ang usa ka wanted person sa kasong Act of Lasciviousness atol sa gipatoman nga operasyon sa mga personahe sa kapulisan didto sa Sitio Kamansi, Brgy. Polayo, Siayan, Zamboanga del Norte,mga alas 8:41 ang takna sa kagabhion niadtong Abril 13, 2026.
Naila ang wanted person nga si alyas “Marlo” 43 anyos, lalaki, minyo, usa ka construction worker, ug residente sa Brgy. Paranglumba, Siayan, Zamboanga del Norte kinsa gidakop tungod sa sa kasong Acts of Lasciviousness in relation to Republic Act No. 7610 (Special Protection of Children Against Abuse, Exploitation and Discrimination Act).
Ang pagkadakop gihimo pinaagi sa Tracker Team sa Siayan Municipal Police Station (MPS) pinasikad sa Warrant of Arrest tungod sa kasong Acts of Lasciviousness in relation to RA 7610, nga adunay Criminal Case No. S-4235, nga gi-isyu ni Hon. Mundlyn Geonzon Misal-Martin, Presiding Judge, Family Court, 9th Judicial Region, Branch 05, Sindangan, Zamboanga del Norte, nga gipetsahan Nobyembre 11, 2025, nga dunay piyansa nga PHP 12,000.00 para sa temporaryong kagawasan.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa pinulongan nga iyang nasabtan ug anaa na kini karon sa kustodiya sa Siayan MPS alang sa hustong disposisyon.(MEDALYN U. BORJA)
Source: ZNPPO