Sa gipakusog nga kampanya sa mga utoridad batok kriminalidad,usa ka malampusong law enforcement operation,ang napahigayon sa kapulisan nga miresulta sa pagkasikop sa usa ka wanted person mga alas 2:10 ang takna sa kahapunon,niadtong Agusto 11,2025,didto sa Barangay Poblacion, Leon Postigo, Zamboanga del Norte.
Ang maong dinakpan nga suspek,naila nga si alyas “Benjie” 75-anyos, lalaki, nalista isip Top 6 Most Wanted Person sa E-Warrant system.
Ang operasyon gihimo sa mga personahe sa Leon B Postigo Municipal Police Station ubos sa Warrant of Arrest for Statutory Rape, criminal case number S-6757-23, nga giisyu ni Presiding Judge Mundlyn Geonzon Misal-Martin sa Family Court, 9th Judicial Region, Branch 05, Sindangan, Zamboanga del Norte, pinetsahan ug Oktubre 18,2021,nga walay piyansa nga gerekomendar.
Ang suspek gipahibalo gilayon sa iyang mga katungod sa konstitusyon, lakip ang mga pasidaan sa Miranda ug Anti-Torture,ug gidala kini sa Leon B Postigo Rural Health Unit alang sa medical examination ug anaa na kini karon sa kustodiya sa Leon B Postigo Municipal Police Station alang sa tukmang disposasyon.(Medalyn U. Borja)
Source: ZNPPO