Arestado ang usa ka wanted person sa kasong Carnapping pinaagi sa pag serbe sa warrant of arrest mga alas 10:45 ang takna sa kagabhion niadtong Abril 11, 2026, didto sa Dapitan City Police Station nga nahimutang sa Barangay Dawo, Dapitan City.
Ang maong dinakpan nga wanted person naila nga si alyas “Tikboy” 61-anyos nga lalaki, minyo, driver/operator sa heavy equipment ug residente sa Maras Sindangan, Zamboanga del Norte kinsa gidakop pinaagi sa warrant of arrest nga giisyu ni Hon. Victoriano DL. Lacaya, Jr., Acting Presiding Judge, RTC, Ninth Judicial Region, Branch 6, Dipolog City, Zamboanga Del Norte pinetsahan Nobyembre 11, 2013, tungod sa krimen nga Carnapping nga adunay girekomendar nga bailbond nga mokabat sa Php 180,000.00.
Ang dinakpan gipahibalo sa hustong paagi sa hinungdan sa iyang pagkadakop ug gipahibalo sa iyang mga katungod konstitusyonal sa usa ka diyalekto nga iyang hingpit nga nasabtan. Siya karon anaa sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO