Bugnaw nga prisohan ang gipadulngan sa usa ka 31 anyos nga suspek sa pagpanglugos sa usa ka babayeng biktima mga alas 7:30 ang takna sa kagabhion niadtong Abril 11, 2026, didto sa Brgy. Benigno Aquino, Sindangan, Zamboanga del Norte.
Naila ang dinakpan nga suspek nga usa ka 31 anyos, miny, lalaki, samtang ang biktima usa ka 24 anyos nga minyo, babaye, parehong residente sa samang barangay.
Nasayran nga mga 12:40 ang takna sa kadlawon niadtong Abril 12,2026 gitaho ngadto sa mga personahe sa Sindangan Municipal Police Station (MPS) kabahin sa nahitabong pagpanglugos nga daling girespondehan Sindangan MPS ug Women and Children Protection Desk (WCPD).
Sa inisyal nga imbestigasyon nagbutyag nga ang biktima naglakaw padulong sa usa ka hilit nga lugar sa dihang gisundan siya sa suspek, gipugos siya nga paubos, gipislit ang iyang mga kamot, ug gihulga siya gamit ang usa ka wala mailhing butang sa wala pa siya gi-abusohan.
Giingong gihulga usab sa suspek nga patyon ang biktima ug ang iyang pamilya kung ireport ang insidente.
Tungod niini daling nadakop ang suspek sulod mismo sa iyang pinuy-anan homan gidala sa Sindangan District Hospital para sa medical examination ug dayon sa Sindangan MPS para sa dokumentasyon ug hustong disposisyon.
Samtang ang biktima gidala sa WCPD alang sa angay nga tabang.(MEDALYN U. BORJA)
Source: ZNPPO