Nadakpan sa gihimong joint law enforcement operation sa mga personahe sa Piñan Municipal Police Station, uban sa koordinasyon sa intelligence operatives sa 901st RMFB 9 ang usa ka wanted person mga alas 9:30 ang takna sa buntag niadtong Agosto 12, 2025,didto sa Brgy. Del Pilar, Piñan, Zamboanga del Norte.
Ang dinakpan nga wanted person naila nga si alyas “Ar” 36 anyos,lalaki, ulitawo, usa ka drayber, ug residente sa Poblacion, Tampilisan, Zamboanga del Norte.
Ang pagkasikop gihimo pinaagi sa usa ka Warrant of Arrest alang sa krimen nga “Simple Seduction” ubos sa Criminal Case No. P-3164, nga giisyu ni Acting Judge Deborah P. Garcia-Nazario sa 2nd Municipal Circuit Trial Court sa Piñan-La-Libertad, Ninth Judicial Region, Branch 001, pinetsahan ug Hulyo 21,2017 nga adunay piyansa nga girekomendar nga mobalor sa P2,000 para sa iyang temporaryo nga kagawasan.
Ang dinakpan gipahibalo sa iyang mga katungod sa konstitusyon ubos sa Miranda Doctrine ug sa Anti-Torture Law sa usa ka diyalekto nga hingpit niyang nasabtan, ug pagkahuman gidala sa Piñan MPS alang sa tukma nga dokumentasyon ug disposisyon.(Medalyn U. Borja)
Source: ZNPPO