Balhog sa prisohan homan masikop ang usa ka notadong Street Level Individual sa gipahigayon nga buy-bust operation sa mga personahe sa Municipal Drug Enforcement Team (MDET) sa Piñan MPS (lead unit), sa koordinasyon sa 901st RMFB9, 1st ZNPFC, ug 97th Infantry Battalion, Philippine Army,mga alas 4:45 ang takna sa hapon,Mayo 29,2025 didto sa Brgy. Poblacion South, Piñan, Zamboanga del Norte.
Ang operasyon miresulta sa pagkasikop sa suspek nga 39 anyos, walay trabaho, ug residente sa nasangpit nga Barangay, usa ka notadong ( SLI )kinsa nakuhaan ug gibana-banang 2.1 gramos sa gituohang shabu nga mobalor og P14,280.00, lakip na ang mga butang nga dili druga sama sa lighter, aluminum foil, cash nga mokabat sa Php8,800.00, ug ang marked buy-bust money.
Ang mga nakumpiska nga ebidensiya sa drugas isumiter sa Crime Laboratory alang sa eksaminasyon, samtang ang suspek anaa na sa kustodiya sa Piñan MPS alang sa tukmang disposasyon.(MEDALYN U. BORJA)
Source: ZNPPO