Usa ka residente sa Barangay Baylimango ang gihatagan dayon og ayuda sa Lokal nga Pangagamhanan sa Dapitan human kini mabiktima sa sunog nga nahitabo alas 11:00 sa buntag niadtong Septiyembre 10, 2025.
Ang biktima naila nga si Michael Pao Bulay-og, 53 anyos, lumolupyo sa Purok Alimango sa maong barangay. Dugang pa sa report, naparalisar na kini sulod sa 11 ka tuig ug nagpuyo nga nag-inusara.
Pinaagi sa City Social Welfare and Development Office (CSWDO) ug sa City Disaster Risk Reduction and Management Center (CDRRMC), nga ubos sa liderato ni Mayor Evelyn “Belen” T. Uy, dayon nga nadul-ongan ang biktima og food pack, sleeping kit, hygiene kit ug family pack aron makatabang sa iyang panginahanglan human sa maong trahedya.
Nagpabilin nga lig-on ang paningkamot sa City Government sa paghatag og paspas nga suporta sa mga Dapitanon nga maapektuhan sa mga kalamidad ug emerhensiya.(Jumalisa Papa)
Source: Dapitan City Government