Sikop sa gikasa nga buy-bust operation sa mga personahe sa kapulisan ang usa ka notadong Street Level Individual (SLI), mga alas 5:30 ang takna sa hapon niadtong Disyembre 7, 2024.
Ang dinakpan naila nga usa ka 35 anyos, Lalaki, walay trabaho ug residente sa Purok Buli, Brgy. Minaog, Dipolog City, Zamboanga del Norte.
Nasikop kini pinaagi sa Dipolog CPS (SDET) personnel pinangunahan sa PNP Dipolog (lead unit) kauban sa RDEU 9 in coordination with ZN PDEA 9.
Atol sa operasyon nakumpiska gikan sa posesyon ug kontrol sa suspek mao ang
1 ka piraso sa small sized heat-sealed transparent plastic sachet nga adunay sulod nga white crystalline granules nga gituohang “shabu” isip ebidensya sa buy-bust, 1 ka piraso sa medium sized heat-sealed transparent plastic sachet adunay sulod nga white crystalline sa gituohang “shabu” gikan sa posesyon ug kontrol sa suspek, 1 ka piraso sa big sized heat-sealed transparent plastic sachet nga adunay sulod nga white crystalline granules nga gituohang shabu, 1 ka piraso sa 1,000-peos bill nga buy bust money, 1 ka pitaka nga kolor itom isip sudlanan sa shabu, ug 1 ka gamay nga cellophane wrapper kolor itom.
Gibana-bana nga motimbang sa 10 grams ang maong drugas ug adunay standard drug price nga mobalor sa PHP 68,000
Ang mga nakumpiska nga butang gi turn-over ngadto sa Zamboanga del Norte Provincial Forensic Unit alang sa eksaminasyon, samtang ang suspek gidala ngadto sa protective custody sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)