Gidakop sa mga tinugyanan sa balaod ang usa ka gikataho nga kawatan, mga alas 3:00 ang takna sa hapon,Abril 14,2025 didto sa Brgy. Panganuran, Sibutad, Zamboanga del Norte.
Ang na aresto naila nga usa ka Joy Banguoia Mejos 40 anyos, lalaki, minyo, mangingisda, ug residente sa nasangpit nga Barangay,kinsa gidakop pinangulohan sa Sibutad Municipal Police Station (Lead Unit), uban sa koordinasyon sa intel personnel sa 2nd ZNPMFC ug 901 st MC RMFB9 pinasikad sa Warrant of Arrest alang sa Qualified Theft ubos sa Article 310 sa Revised Penal Code nga gi-docket pinirmahan ni Hon. Anabelle Abella Anggot-Obordo. Presiding Judge sa Regional Trial Court, Ninth Judicial Region, Branch 7. Dipolog City, Zamboanga del Norte, pinetsahan Abril 11, 2025 nga adunay piyansa nga girekomendar nga mobalor sa P40,000.00 alang sa iyang temporaryong kagawasan.
Ang dinakpan gipahibalo sa iyang mga katungod sa konstitusyon, lakip ang mga probisyon sa Miranda Doctrine ug Anti-Torture Act ug anaa karon sa kustodiya sa Sibutad MPS alang sa tukmang booking ug disposisyon.(Medalyn U. Borja)
Source: ZNPPO