USA KA IMPROVISED REVOLVER NGA ARMAS, BOLUNTARYONG GI-SURRENDER SA USA KA INDIBIDWAL SA KAPULISAN SA SALUG, ZDN
Sa gipakusog nga kampanya batok loose fire-arms,usa ka improvised revolver nga armas ang boluntaryong gi-surrender sa usa ka indibidwal pinaagi sa Law enforcement operation nga gihimo sa mga operatiba,niadtong Agusto 27,2025 didto sa Barangay Poblacion, Salug, Zamboanga del Norte.
Ang nasangpit nga armas nga boluntaryong gi-surrender, mao ang usa ka unit .22 improvised revolver nga walay serial number ug bala.
Nahimong malampuson ang operasyon pinaagi sa mga personahe sa Salug Municipal Police Station sa pakigtambayayong sa 2nd ZNPMFC, 97 IB PA,isip pagsunod sa Strong Police Presence operation sa maong Barangay.
Kini nga kalampusan sa operasyon usa ka pagpakita dedikasyon sa pakigbatok sa kriminalidad ug pagsiguro sa kaluwasan ug kaayohan sa komunidad.(Medalyn U. Borja)
Source: SALUG MPS ZNPPO