Balhog sa prisohan ang usa ka 61 anyos nga Lalaki ,sa gikasa nga anti-illegal drug buy-bust operation sa kapulisan, didto sa Purok Silangan Dos, Miputak, ning dakbayan sa Dipolog, sa mga alas 8:20 sa gabii, Mayo 20, 2024.
Ang maong suspek naila nga si VICTORIANO HERNANDEZ PABLEO, 61 anyos,lalaki, minyo, walay trabaho, ug residente sa Purok Malayan 2, Sta. Filomena, Dipolog City, Zamboanga del Norte,kinsa notado nga usa ka DI watchlisted pusher/user.
Nasikop kini pinaagi sa mga personahe sa ZN PDEU, pinangulohan ni PCPT GIOVANNI E ICALINA, OIC-PDEU (Lead Unit) kauban ang mga operatiba sa Dipolog CPS, ZN 1st PMFC, ZNPIT-RIU9, ZNMARPSTA MG9 ug 901st RMFB.
Nakumpiska gikan sa possession sa suspek atol sa operasyon mao ang; Usa ka pakete sa gamay nga gidak-on nga heat-sealed transparent plastic sachet nga adunay sulod nga puti nga crystalline granules nga gituohang “shabu” isip Buy- Bust item ; 16 ka piraso ka gamay nga gidak-on nga heat-sealed transparent plastic sachet nga adunay sulod nga puti nga crystalline granules nga gituohang “shabu”; Usa ka walay sulod nga kahon sa posporo (emi brand) nagsilbi nga sudlanan sa mga butang ug usa ka piraso sa P500 isip buy-bust money.
Ang kinatibuk-ang gibug-aton sa gituohang shabu nga nakumpiska gibana-banang muabot sa 3 gramos ug gibanabana nga mobalor sa P20,400 pesos.
Gilayon nga gidala ngadto sa Corazon C Aquino Hospital ang suspek alang sa medical ug physical examination ug dad-on sa Zamboanga del Norte Provincial Forensic Unit-9 alang sa drug testing uban sa mga piraso sa drug evidence para sa chemical examination.
Samtang ang mga non drug-item nga ebidensiya anaa gidala sa kustodiya sa Seizing office.
Detenado na karon sa Dipolog CPS Detention Cell ang suspek ug mag atubang sa kaso nga paglapas sa RA 9165. (Medalyn U. Borja)
(Source: Dipolog CPS)