Isip pagpangandam alang sa hugot nga koordinasyon sa nagkalain-laing ahensya sa kapolisan gipahigayon karong Agusto 20, 2026 sa Olingan Sports Complex, Dipolog City ang ikatulo ug ang katapusang adlaw sa Kalasag Zamboanga del Norte diin gihimo ang Urban Clearing Operations Simex, aron mas paspas ug epektibo ang ilang pagtubag kung adunay tinuod nga emergency o security threat sa umaabot.
Kabahin kini sa Inter-Agency Territorial Defense Operation (IATDO) Exercise 02-2026, usa ka simulation exercise nga nagtumong sa pag-andam sa nagkalain-laing ahensya sa pag-atubang sa posibleng krisis ug hulga sa urban areas. Mahinumdoman nga niadtong Agosto 13 gipahigayon usab ang simulation exercise kabahin sa counter-landing operations, airborne insertion, and casualty evacuation to enhance operational readiness, coordination, and interoperability, featuring Philippine Army, uban sa hiniusang pwersa gikan sa 97IB, PNP, PCG, BFP, Maritime Police, CAFGU Active Auxiliary, ug mga military reservist.
Kini nga simulation karon nakapokus sa pagpraktis sa pagkuha ug pagkontrolar sa usa ka urban area o government installation, diin sumala pa ang senaryo na take over sa mga enemy forces ang Government Center ug kinahanglan kining bawion o i-regain sa atong mga personahe.
Gipakita sa maong exercise ang koordinadong paglihok sa mga personnel sa pag-secure sa maong lugar, pag-establisar sa mga security perimeter ug checkpoints, ug pagdumala sa mga simulated threats sulod sa urban environment.
Apil usab niini ang room-to-room clearing ug uban pang scenario-based exercises aron masukod ang coordination, communication, ug operational readiness sa mga kawani.
Pinaagi sa realistic nga simulation,
gisukod niini ang ilang abilidad sa pagresponde sa usa ka hypothetical urban security situation—gikan sa pag-establisar og command post ug checkpoints hangtod sa clearing operations, casualty evacuation ug maritime response.
Apil sa exercise ang nagkalain-laing participating agencies ug security personnel, lakip ang military ug law enforcement units, emergency responders ug supporting personnel.
Sa laing bahin, ang pipila sa mga operasyon gipahigayon sa Dipolog Sports Complex, Barangays Olingan, Galas, Punta ug Sinaman, ingon man sa mga designated shoreline ug road areas.
News and photo by: IKEN B. GULLEM