Sulod sa unom ka bulan, malampusong gitapos ang deployment sa Revitalized Pulis sa Barangay (R-PSB) Team sa Zamboanga del Norte 2nd Provincial Mobile Force Company (2nd PMFC) sa Barangay Cocob, Gutalac.
 Gipangulohan ang kalihokan ni PLTCOL Edwin D. Verzon, Force Commander, ug gipahigayon sa Covered Court sa Barangay Cocob. Kabahin sa programa ang turnover ceremony alang sa Cocob Alsa Masa Farmers and Women’s Association ug ang mga nahuman nga livelihood projects.
Mitambong usab ang mga representante sa nagkalain-laing partner agencies ug lokal nga pangagamhanan, lakip si Hon. Sanny Boy S. Gato, Barangay Chairman sa Cocob; Joelit P. Dinapo ug Alfonso T. Benlot Jr. sa TESDA; Engr. Oscar E. Perey Jr., Provincial Administrator sa Provincial Training Center (PTC) Sindangan; Eric T. Salagoste, Field Specialist sa Philippine Coconut Authority (PCA); ug Hon. Cherrie May L. Enero, SB Member nga nagrepresentar sa Office of the Municipal Mayor sa Gutalac.(IKEN B. GULLEM)
Source: PNP Zamboanga del Norte 2nd PMFC