Opisyal nang gitunol ni Police Colonel Jimmy Laguyo ang iyang katungdanan isip Provincial Director sa Zamboanga del Norte ngadto sa bag-ong Provincial Director nga si Police Colonel Muammar Mukaram atol sa Turnover of Office Ceremony kagahapon, Nobyembre 25, 2025, sa Zamboanga del Norte Police Provincial Office didto sa Camp Hamac, Sicayab, Dipolog City.
Ang seremonya gitambungan ni Acting Deputy Regional Director for Operations, PRO 9 Presiding Officer PCOL Narciso C Paragas kung asa iyang gipangunahan ang Handover of Office Symbol og Property and Equipment Inventory Book isip pormal nga pagpasa sa mga katungdanan ngadto ni PCOL Mukaram.
Mihatag usab og mensahe si PCOL Laguyo pinaagi sa pagpasalamat sa tanang personahe sa ZNNPO alang sa ilang suporta ug kooperasyon sa iyang termino, samtang gisaad ni PCOL Mukaram nga ipadayon ug palig-onon ang mga programa batok kriminalidad ug palamboon ang relasyon tali sa kapulisan ug komunidad.
Gihingusgan og gisaad usab sa bag-ong Provincial Director nga 24 oras ilang serbisyo nga ihatag sa katawhan sa probinsya sa Zamboanga del Norte nga nagtumong sa padayon nga kalinaw, seguridad, ug maayo nga serbisyo sa katawhan sa probinsya.
Nagtapos ang seremonya uban sa pormal nga turnover nga nagtimaan sa opisyal nga pagsugod sa liderato ni PCOL Muammar Mukaram sa Zamboanga del Norte Police Office.
News and photo: JENIFFER JR. DELICA