Gipahigayon ang orientation sa Tulong Panghanapbuhay sa Ating Disadvantaged/Displaced Workers o TUPAD program sa Dapitan City Government Center Lobby niadtong Abril 21, 2026 aron maandam ang mga benepisyaryo sa ilang umaabot nga trabaho.
Gibahin sa duha ka batch ang kalihokan diin 70 ka partisipante ang mitambong sa buntag samtang 20 ang gikatakdang mosunod sa hapon, aron masiguro ang hapsay ug organisadong implementasyon sa programa.
Gihatagan og giya ang mga partisipante sa ilang responsibilidad ug sakop sa trabaho, uban sa pagdumala sa mga opisyales gikan sa DOLE ug PESO nga naghatag og teknikal nga impormasyon ug suporta.
Sa iyang mensahe, gipasiugda ni Mayor Evelyn T. Uy ang kahinungdanon sa disiplina ug kakugi, samtang gihulagway ang TUPAD isip dili lang pinansyal nga tabang kondili oportunidad sa pagpalambo sa panginabuhian sa mga benepisyaryo.(JENIFFER JR. DELICA)
Source: Zamboanga del Norte Provincial News Network