Gipahigayon ang 1st Quarter payout alang sa senior citizens sa Salug niadtong Abril 21, 2026 didto sa Salug Public Market, nga gilangkuban sa unang batch sa mga benepisyaryo gikan sa nagkadaiyang barangay.
Malampuson nga natuman ang kalihokan pinaagi sa koordinasyon sa lokal nga panggamhanan ubos sa pagpanguna ni Mayor Dr. Ruth M. Brillantes, isip kabahin sa paghatag og pinansyal nga suporta sa mga tigulang.
Gipili ang merkado isip venue aron matabangan usab ang mga manininda nga mahalinan sa ilang mga produkto, nga naghatag og dugang kita ug kalihokan sa lokal nga ekonomiya.
Sumala sa LGU, ang maong inisyatiba nagpakita sa padayon nga pagtagad sa kaayohan sa senior citizens samtang gipalig-on usab ang suporta sa lokal nga panginabuhian sa komunidad.(JENIFFER JR. DELICA)
Source: Municipality of SALUG