Dipolog: TUPAD beneficiaries may paabotong ayuda

0
203

187 ka mga benefeciaries sa “TUPAD” kun Tulong Panghanapbuhay sa Ating Disadvantaged/Displaced Workers ang mipailawom og orientation niadtong buntag sa Marso 24 ning tuiga sa may ground floor sa City Hall ning dakbayan sa Dipolog.

Visit RPN DXKD Dipolog

Sa gipahigayong orientation, mipabati sa iyang mensahe ang mayor diin iyang gidasig ang mga mitambong, nga dili mag pakawala sa paglaum ug dili mo surrender sa mga pagsulay nga nasinati karong panahon sa pandemic.

Hinuon, matud pa ni Mayor Darel Uy nga angayan molihok ug magkugi pa aron makapadayon sa pag bugtaw sa panginabuhian aron mo asenso. Dugang niya, ang kagamhanan kanunay’ng andam motabang sa nawad-an sa trabaho. Ang TUPAD, maoy programa nga gipatuman aron makahatag og ayuda sa mga gitawag nga displaced workers.

Nasayran gikan sa gipagawas nga balita City Information Office, nga kini maoy unang hugna sa mga benefeciaries sa TUPAD, diin hatagan sila sa napulo’g lima ka adlaw nga mo trabaho, ug makadawat sa ₱ 316.00 nga inadlaw’ng suholan. (Dennis Garay)

(Source: Dipolog City Government Facebook Page)

LEAVE A REPLY

Please enter your comment!
Please enter your name here