Malampusong gipahigayon ang DIPOLOG TRIATHLON 2023 PRESS CONFERENCE kagahapong adlawa, Mayo 2 ning tuiga sa may second floor Museo, city hall ning dakbayan.
Ang press conference gitambungan ni Mayor Darel Dexter T. Uy inubanan sa Dipolog City Chief of Police, PLTCOL. VEDASTO J. DASMARIÑAS III, kauban ang CDRRM Officer, Atty. Arvin L. Bonbon, an CTACS Vice chairman Mr. Kenny Val Ong, ingon man ang TMO in-charge ug City Tourism Arts, Culture and Sports Council Co- chair, Mr. Felipe Mangila, Jr.
Kauban usab ang mga event organizers sila si Harrison Young ug Lyndon Baron gikan sa TRISOME- DIPOLOG, ug mitambong usab ang mga nagka lain- laing mga media practitioners lakip na OIC sa dxKD.
Ang umaabot nga event diha kaniadto pagdumala ni kanhi Mayor Evelyn Tang Uy, ug  nahunong lamang ang tanan tungod sa nahiagumang COVID-19 Pandemic ug karun ang maong TRIATHLON ibalik na usab ubos sa pagdumala ni Mayor Darel Dexter T. Uy, diin walay kalainan ang triathlon kaniadtu ug karun sa rason nga susama ra kining ipahigayon sa may DIPOLOG CITY BOULEVARD.
Sa pagkakaron aduna nay 556 ka mga rehistrado nga mga partisipantes sa maong umaabot nga event  diin adunay mga kabataan ug mga hingkod ang pangidaron ang musalmot sa naasoy’ng kalihukan.
(ELVIE S. INDAG-DXKD OJT)
Photo courtesy: DIPOLOG CITY GOVERNMENT Facebook page