Dakpan ang usa ka Top 8 Most Wanted Person nag atubang kasong Sexual Abuse atol sa gikasa nga joint operations sa mga personahe sa kapulisan, didto sa Purok Rose, Barangay Barra,ning dakbayan sa Dipolog, Pebrero 2,2026.
Ang maong dinakpan gidakop pinaagi sa mga personahe sa Polanco Municipal Police Station uban sa koordinasyon sa mga personahe sa 1st ZNPMFC (1st Platoon) ug 901ST MC RMFB9, pinasikad sa Warrant of Arrest tungod sa kasong Vioation of Sexual Abuse ubos sa Seksyon 5(b) sa Republic Act 7610 ug Sexual Assault nga may kalabotan sa Seksyon 5(b) sa Republic Act 7610, nga gi-isyu sa Family Court, 9th Judicial Region, Branch 4, Dapitan City, Zamboanga del Norte.
Kining malampusong operasyon nagpakita sa walay hunong nga dedikasyon sa atong mga personahe sa pagpuo sa mga wanted person ug pagpanalipod sa atong mga komunidad.(MEDALYN U. BORJA)
Source: Polanco MPS ZNPPO