Mapasigarbuhon ug mainiton nga gipangabi-abi sa lokal nga pangagamhanan sa Roxas, kauban si Mayor Ismael Rengquijo, Vice Mayor Rolando “Jun-jun” Yebes, Mr. Alito Bagaipo ug ang mga miyembro sa Sangguniang Bayan, si Ms. Almaerra Nikka B. Recentes, nga gipahigayon mismo sa munisipyo.
Si Almaerra naila sa publiko human siya niapil sa Ika‑9 na Taon (Season 9) Tawag ng Tanghalan sa It’s Showtime ug nakasulod isip Top 4 placer sa Grand Finals (Huling Tapatan) kaniadtong Nobyemebre 8, 2025, usa ka dakong kalampusan nga naghatag ug garbo ug kalipay sa lungsod sa Roxas. Ang pag-apil niya sa maong kompetisyon nagpamatuod sa iyang talento, dedikasyon, ug kahanas sa musika.
Gipadayag sa LGU ang ilang pirming suporta ug pag-ampo alang sa padayon nga paglambo ni Almaerra sa iyang karera. Nagpakita usab si Almaerra sa iyang kamaayo sa pagkanta human mi sample ug pangmalakasang kanta atol sa pag welcome kaniya.
Ang maong aktibidad usab nagpasabot sa importansya sa pagdasig sa kabatan-onan sa pagpangandam sa kaugmaon ug pag-ila sa talento nga gikan mismo sa lokal nga komunidad. Ang Roxas nagpadayon sa pagpalig-on sa mga programa ug kalihukan nga naghatag ug oportunidad sa kabatan-onan sa pag-uswag ug paglambo sa ilang mga hilig ug abilidad.(IKEN B. GULLEM)
Source: Roxas Zambonorte