Midawat og kumpletong bag-ong sports uniforms ang mga atleta sa Team Dapitan Shriners niadtong Disyembre 23, 2025, isip usa ka dakong suporta sa ilang pag-andam alang sa umaabot nga mas taas nga kompetisyon.
Ang bag-ong uniporme naghatag og kaharuhay, kaluwasan, ug pagkahiusa sa team. Tungod sa parehas nga sapot, mas lig-on ang team spirit sa mga atleta ug mas makatutok sila sa ilang performance samtang nagrepresentar sa Dapitan City.
Nagpasalamat ang pamunuan sa team sa suporta ni Mayor Evelyn T. Uy, Chairperson sa Local School Board, nga mipabor sa pag-apruba sa mga gamit pang-isports.
Uban sa bag-ong gear, andam na ang Team Dapitan Shriners sa pagdala og garbo ug kusog sa ilang mga sunod nga duwa.(IKEN B. GULLEM)
Source: DepEd Tayo- Division of Dapitan City