Nagdeklara og Red Alert Status ang Provincial Jail Administration (PJA) isip kabahin sa mga lakang sa seguridad atol sa Yuletide season ug sa ika-57 nga Founding Anniversary sa Communist Party of the Philippines (CPP).
Isip pagpatuman sa maong alert status, nagpahigayon ang PJA og komprehensibong inspeksyon sa mga kawani sa Liloy District Jail aron masiguro ang kahanduman sa personnel, mapalig-on ang mga pamaagi sa seguridad, ug masunod ang tanang giestablisar nga mga protocol.
Gipunting sa inspeksyon ang presensya sa mga kawani, kahimtangan sa alertness, koordinasyon, ug hustong pagtuman sa katungdanan, ilabi na sa mga panahon nga taas ang kahimtangan sa seguridad. Gipasiugda usab sa PJA ang pagbantay, disiplina, ug panaghiusa sa tanang personnel.
Kini nga lakang nagpakita sa pasalig sa Provincial Jail Administration sa pagmintinar sa kalinaw, kahapsay, ug kaluwasan sa pasilidad ug sa komunidad atol sa Yuletide season.(IKEN B. GULLEM)
SOURCE: Liloy District Jail-Bjmpr9