Magtigi karong umaabot 2025 nga eleksyon ang duha ka partido sa politika ning dakbayan sa Dipolog ug tibuok probinsya sa Zamboanga del Norte nga gilangkuban sa Team Bujag ug Team I Lab U.
Ang unang Partido ilawom sa Team Bujag ,magpapili isip Gobernador ning lalawigan sa Zambonga del Norte mao ang kasamtangang Mayor sa Dapitan City nga si City Mayor Seth Frederick “Bullet” Jalosjos, ug sa pagka Bise Gobernador mao ang kasamtangang Provincial Administrator sa Zamboanga del Norte nga si Wilberth “Jojo” Magallanes.
Sa pagka Mayor ning dakbayan sa Dipolog ang magpapili ilawom sa Team Bujag mao ang kasamtangang Gobernador ning lalawigan sa Zamboanga del Norte nga si Gobernor Rosalina “Nanay Nene” Jalosjos,ug sa pagka Bise Mayor mao si Atty. Miles Jalosjos.
Sa pagka Kongresista sa unang destrito ilawom sa Team Bujag mao ang kasamtangang Mayor sa Piñan nga si Mayor Cely Jalosjos Carreon, sa ikaduhang destrito mao si Aurelio Monteclaro ug alang sa Ikatulong destrito mao si Cesar G. Jalosjos.
Samtang, sa pikas partido sa Team I Lab U ang magpapili pagka Gobernador mao ang kasamtangang Mayor ning dakbayan sa Dipolog nga si Mayor Darel Dexter T. Uy, ug sa pagka Bise Gobernador ang magpapili mao ang kasamtangang bise Gobernador ning lalawigan sa Zambonga del Norte nga si Atty. Julius Napigquit.
Sa pagka Mayor ilawom gihapon sa Team I Lab U ang magpapili mao si Roberto Y. Uy Sr., ug ang Bise Mayor niini mao ang kasamtangang Bise Mayor ning dakbayan sa Dipolog nga mao si Atty. Senen Olvis Angeles.
Sa pagka kongresita ilawom sa Team I Lab U alang sa unang destrito mao ang kasamtangang 1st district Representative nga si Roberto “Pinpin” Uy Jr.,sa ikaduhang destrito mao si Ms. Airene Labadlabad ug sa Ikatulong destrito ang magpapili mao si Adrian Amatong.
Nasayran nga kagahapong adlawa ang katapusang adlaw alang sa pagduso sa mga politiko sa ilang kandidatura.(Medalyn U. Borja)