Garbo na usab sa kagamhanang probinsyal nga adunay taga Zamboanga del Norte, ang usa sa nalakip sa 2023 Ten Outstanding Scoutmasters of the Philippines.
Si Mr. Rene D. Acabal, membro sa Zamboanga Del Norte Dipolog Dapitan City kon ZANDIDAP Council sa Boy Scout of the Philippines (BSP) nga naila usab nga adunay talagsaong kalampusan sa makanunayong Outstanding Employee sa Dapitan City National High School, nahimong 2022 Division-Wide Most Outstanding Teacher, Outstanding Adult Leader’s Awardee, Excellence in Leadership Award, nidawat sa Gawad Parangal 2021 sa Dapitan City,
Outstanding Performance Awardee ug sa iyang 12 ka tuig nga pag-serbisyo sa Scouting Movement sa tibuok nasud gihatagan kinig labing prestihiyosong award nga Plaque of Recognition.
Niini, nahimong nominado sa maong nasudnong Outstanding Scoutmasters si Acabal tungod sa katakos ug napili sa National Executive Board 2023 Search Committee for Outstanding Scoutmasters inubanan sa kinatibuk-ang Professional Staff ug mga ehekutibo sa Boy Scouts of the Philippines nga usa sa Ten Outstanding Scouters sa tibuok nasud sa Pilipinas ang nasangpit nga magtutudlo.
Sa nasayran nga pormal nga seremonyas sa 2023 Tribute to the Outstanding Scoutmasters karong umaabot Mayo 11 ning tuiga atol sa pagpahigayon sa 66th Annual National Council Meeting sa Leyte Academic Center, Palo, Leyte sa may ala-una ang takna sa kahapunon.
(Source: Provincial Information Center ZaNorte Facebook page)