Gipahimangnoan sa lokal nga gobyerno ang mga mag-uuma nga undangon ang open burning sa agricultural waste sama sa uhot sa humay ug uban pang residues, taliwala sa nagkataas nga kaso sa kaingin sa nagkadaiyang lugar sa syudad.
Naglunsad og inspeksyon ang City Environment and Natural Resources Office (CENRO), Environmental Sanitation Division, ug City Agriculture Office sa mga umahan aron mapugngan ang maong praktis ug masiguro ang pagsunod sa City Ordinance No. 123 ug Republic Act 9003 o Solid Waste Management Act.
Sumala sa mga otoridad, ang pagsunog sa agricultural waste nagpagawas og greenhouse gases nga makapasamot sa climate change, samtang nagmugna usab kini og makadaot nga aso nga peligro sa panglawas. Dugang pa, nagdugang kini sa risgo sa sunog sa kasagbotan nga mahimong mokuyog sa kadaot sa kabtangan ug peligro sa kinabuhi.
Gidasig hinuon ang mga mag-uuma nga mopili og mas luwas ug malungtarong pamaagi sama sa composting ug pag-recycle sa farm residues aron magamit pag-usab sa yuta isip abono.(IKEN B. GULLEM)
Source: Dipolog ENRO