DIPOLOG CITY — Nadawat sa 44 ka senior citizens ang ilang cash gift ubos sa Expanded Centenarian Act atol sa payout nga gipahigayon sa OSCA Covered Court ning syudad sa Dipolog.
Sa maong gidaghanon, 24 gikan sa Dipolog City, unom gikan sa Dapitan City, pito gikan sa Katipunan, ug pito usab gikan sa Manukan ang nakabenepisyo sa programa.
Gipangulohan ni OSCA Head Sancen Caroro ang distribusyon uban sa tabang sa National Commission of Senior Citizens ug DSWD, nga nagpakita sa padayon nga suporta sa gobyerno sa kaayohan sa mga tigulang.
Ang maong ayuda kabahin sa paghatag og dungog ug proteksyon sa mga senior citizens pinaagi sa konkretong programa sa gobyerno.(JENNIFER JR. DELICA)
Source: Dipolog City Government