Usa ka hiniusang buy bust operation nga gipahigayon sa RDEU 9 ZANORTE pinanguluhan ni PCpt. Kent B. Gudmalin (Lead unit) uban sa mga Dipolog City CPS (CDET), ZNPMFC ug sa koordinasyon sa ZN PDEA 9.
Ang maong suspetsado nailhan sa pangalan nga Alyas Larry,33 anyos, minyo, tambay high school graduate, kasamtangan karon nanimuyo sa Brngy. Minaog, Dipolog City, Zamboanga del Norte. Nahitabo sa may alas 4:36 sa kadlawon Marso 7, 2024.
Ang maong suspetsado naaresto sa pagpayuhot sa ginadiling druga ug nakuhaan kini sa usa ka dakung pakete nga gituuhang shabu isip ebidensya sa buy bust operation.
Ang mga nakompiskar sa iyang posisyon sa gipahigayon nga operasyon mao ang 3 ka daku nga pakete nga selopen selyado, 1 ka extra-large size selyado nga adunay sulod nga gituuhang shabu,1,000 pesos nga kwrta isip buy bust money,1 digital nga timbangan, driver’s license,3 ka selopen ziplock nga way sulod, 1 belt bag color orange isip maoy gipangsudlan sa mga item.
Ang mga nakompiskar nga 50grms nga shabu,gibanabana nga nagkantidad sa 340,000,00. Ang maong operasyon gipahigayon sa mga kapolisan suot ang body cam ug inubanan mismo sa mga Barangay Official, DOJ rep. ug representante sa media.
Ang mga nakompiskar nga item anaa na karon sa kustudiya sa ZDN Provincial Forensic Unit, alang na sa tukmang disposisyon ug ang suspetsado balhog na sa buhatan sa kapolisan sa Dipolog City PNP. (Angelica Obina)