Gilamon sa kalayo ang warehouse sa Provincial General Services Office (PGSO) sa Barangay Estaka, Dipolog City kagahapon Abril 6 ning tuig sa may 6:27 sa buntag.
Ang giingong nasunog ang karaang building sa Zamboanga del Norte National High School nga adunay gibana-bana nga 120 square meters ang maong area.
Sigon pa sa imbestigasyon ni Senior Fire Officer 1 (SFO1) Alchester L. Progoso, ang fire investigator sa Bureau of Fire Protection ning dakbayan,iyang gibutyag nga adunay sulod nga mga construction supplies ang giingong warehouse sama sa electrical wires, pvc pipes, mga pintal ug uban pang unrecognized nga mga materyales.
Dali naman kining girespondehan sa mga kawani sa Bureau of Fire Protection ug gideklarang fire out sa alas 7:20 sa buntag.
Gibana-bana nga mukabat dul-an P100,000 ang danyos sa nahitabong sunog.
Sa pagkakarun, padayon pa gihapon ang imbestigasyon sa mga otoridad sa hinungdan sa maong sunog. (Liccin V. Bello, photo courtesy of Zanorte News Flash Facebook page)