Mokabat sa ₱3,518,100 kinatibuk-ang kantidad ang nahatag nga ayuda gikan sa Provincial Social Welfare and Development Office (PSWDO) pinaagi sa programa sa Assistance to Individuals in Crisis Situation (AICS) sa 727 ka mga benepisaryo sulod sa bulan sa Mayo ug Hunyo niining tuiga.
Mao kini ang nasayran gikan ni PSWD Officer Dr. Jose Mante pinaagi ni April Rose Salaveria sa maong buhatan.
Lakip sa napahimuslan niini ang pagpaabot ug hinabang ug serbisyo sa mga tawo nga nag-atubang sa krisis o tumang kalisod.
Nasayran nga ang nadawat sa matag indibidwal nga miduol sa nasangpit nga buhatan mao ang medical, burial, food ug shelter assistance.
(Source: Provincial Information Center ZaNorte Facebook page)