Nakompiskar ang smuggled nga sigarilyo nga gakantidad ug P1.7 milyones didto sa lungsod sa Liloy, Zamboanga Del Norte sa may alas 5 sa kadlawon kaniadtong Agosto 29, 2024.
Matud pa sa mga kapulisan nga walay nasikop nga mga suspetsado apan ang mga smuggled nga sigarilyo gibyaan kini sa baybayon sa Barangay Kayok sa nahisgutang lungsod.
Saysay sa mga kapolisan nga adunay report nga gapahibalo sa mga impormasyon mahitungod na nga adunay mga kahon sa sigarilyo nga nagdapun-og sa maong lugar.
Ug diha-diha dayun giresponde sa mga kapolisan ug nasakmit ang 60 ka master cases sa nagka lainlain klase sa sigarilyo nga mi costar og P1,719,000.
Sa pagkakaron anaa na sa Liloy Municipal Police Station ang mga nakompiskar nga mga smuggled nga sigarilyo alang na sa tukmang disposasyon.
Mapasalamotan usab sa mga Kapulisan ang residente sa lungsod sa Liloy sa daling pagresponde sa illegal nga mga binuhatan sa ilang lugar para sa kahapsay sa maong Lungsod.
(Source: Liloy MPS)