Ang kapulisan sa Sirawai Municipal Police Station naglunsad og Libreng Sakay Program alang sa mga estudyante ug residente sa lungsod sa Sirawai, Zamboanga del Norte, niadtong Agosto 18, 2025.
Ang maong inisyatibo nagtinguha sa paghatag og libreng transportasyon ngadto sa mga tinun-an padulong sa eskwelahan ug sa mga lumolupyo nga adunay hinungdanong biyahe. Pinaagi niini, gipasabot sa PNP ang ilang pagpalig-on sa relasyon sa komunidad ug ang pagpakunhod sa gasto sa pamasahe sa katawhan.
Dugang pa, pinaagi sa programa, gilauman nga mapalig-on ang pagsalig, pakig-partner, ug kooperasyon tali sa kapulisan ug publiko alang sa mas lig-on nga kalinaw ug kahusay sa Sirawai.(Jumalisa Papa)
Source: Sirawai MPS