Malampusong gipresentar sa lokal nga gobyerno sa Sindangan ang 10-Year Solid Waste Management Development Plan, atubangan sa mga National Commissioners sa National Solid Waste Management Council, kaniadtong Oktubre 16, 2025.
Ang presentasyon gipangunahan sa Municipal Environment and Natural Resources Officer(MENRO), nga si Mrs. Gloriben Delacruz, uban ang suporta sa environment-driven ug dynamic nga Mayor sa lungsod, Hon. Glona G. Labadlabad.
Sa mensahe ni Mayor Labadlabad, gipasiugda niini ang importansya sa usa ka lig-on ug realistiko nga plano alang sa pagpanalipod sa kinaiyahan.
Matud pa niya, ang hustong pagdumala sa basura dili lang responsibilidad sa gobyerno, kundili usa ka katungdanan sa matag Sindanganon. Gipasabot sa mayora nga ang disiplina sa pagdumala sa basura magsugod sa atong mga panimalay, tunghaan, ug komunidad.
Nagpakita usab ug suporta sa maong kalihokan sila SB Members Labadlabad, Maningo, ug Ong, uban sa mga department heads gikan sa MPDO, MHO, Tourism, Engineering, Assessor, GSO, SB Secretariat, ug HRMO.
Ang maong 10-ka-tuig nga plano naglatid sa mga pamaagi sa hustong pagsegregate sa basura, pag-recycle, ug paggamit sa mga eco-friendly nag praktis, aron masiguro nga ang umaabot nga henerasyon magpuyo gihapon sa usa ka limpyo ug himsog nga Sindangan.(Iken B. Gullem)
Source: Local Government Unit of Sindangan