Misalmot sa gipahigayon nga Simultaneous 10th Blood Donation Activity ang mga 902nd Community Defense Center (CDC), 9th Regional Community Defense Group (9RCDG), Reserve Command, Philippine Army (RESCOM, PA),uban sa 902nd Ready Reserve Infantry Battalion, mga partner stakeholders, ug mga eskwelahan ,subay sa tema nga “Ang Inyong Matatag na Tagapag-buo ng Laang Kawal,”isip pagsaulog sa ika-43 nga Anibersaryo sa Pagkatukod sa Reserve Command, Philippine Army nga gipahigayon Agosto 15, 2026.
Kini nga kalihokan naghiusa ngadto sa mga reservist, tinun-an, mga magtutudlo, partner nga mga organisasyon, ug uban pang stakeholders alang sa usa ka hiniusang paningkamot nga makatabang sa pagluwas sa kinabuhi ug pagsuporta sa mga nagkinahanglan sa komunidad.
Pipila sa mga tunghaan ug lugar sa Zamboanga del Norte ang mipahigayon usab sama niining kalihokan mao ang Jose Rizal Memorial State University (JRMSU) Gymnasium sa Brgy. Turno, Dipolog City ug sa Saint Joseph College of Sindangan, Inc. sa Sindangan, Zamboanga del Norte.
Dungan usab niini kalihokan ang panagtigom sa mga reservist sa probinsya, nga nagpakita sa kaandam, dedikasyon, ug padayon nga serbisyo sa Reserve Force sa pagsuporta sa mga inisyatibo alang sa humanitarian nga katuyoan ug pagluwas sa kinabuhi.
Samtang ang mga dugo nga nakolekta pinaagi niini nga kalihokan ihatag nga walay bayad ngadto sa mga pasyente nga nanginahanglan ug makatabang sa pagdugang sa suplay sa dugo sa mga ospital ug medical facilities sa tibuok probinsya.
Ang 902nd CDC nagpahayag sa ilang pasalamat ngadto sa Provincial Government sa Zamboanga del Norte, sa mga eskwelahan, kolehiyo, ug unibersidad nga miapil, sa mga reservist, partner stakeholders, ug sa tanang blood donors kansang kooperasyon ug kamanggihatagon nakatampo sa malampusong pagpahigayon sa kalihokan.
Ang Reserve Force nagpadayon sa pagpakita nga ang ilang pasalig sa pagserbisyo molapas pa sa pagpangandam sa militar—abot kini sa mga komunidad pinaagi sa makahuluganong mga lihok alang sa katawhan ug sa hiniusang pasalig sa pagluwas sa mga kinabuhi pinaagi niini nga inisiyatiba.(MEDALYN U. BORJA)
Source: 902nd Community Defense Center, Zamboanga del Norte