Himas rehas na karon sa selda sa Dipolog PNP ang usa ka lalaki nga alyas Larry,18 anyos ug kasamtangang nanimuyo sa Barangay Dicayas ning dakbayan diin nasakmitan ug illegal nga armas atol sa gipatuman nga checkpoint sa kapulisan didto sa National Highway sa Barangay Punta, ning dakbayan sa Dipolog sa kadlawon, Octobre 23 ning tuiga.
Sa pagpahigayon ug checkpoint sa Dipolog City PNP didto sa nasangpit nga dapit adunay nagsingabot nga usa ka honda beat nga motorsiklo nga nagtangag sa temporary plate number 0908-3406375 nga gisakyan sa suspetsado ang misulay unta sa paglihay sa maong checkpoint nga dali kining giduol sa mga otoridad ug nasakmitan sa illegal nga armas.
Sa kamulong pag check up ang suspetsado misulay pa unta kini sa pagdagan pero wala kini magmalampuson sa iyang tinguha kay napugngan na kini sa kapulisan ug tungod sa dili maayong lihok girekisa kini ug didto nakuha ang .22 revolver handgun nga walay serial number nga gisuksok sa hawak niini hinungdan nga gidakop dayun kini.
Sa pagkakaron ang dinakpan anaa na sa Dipolog City Police Station apil sa nasakmit nga motorsiklo ug ubang kagamitan nga nakuha ug kasamtangang gapaabot sa tukmang kaso nga ipahamtang sa maong suspetsado.(Angelica T. Obina)
Source: DIPOLOG PNP