Balhog karon sa selda sa PIÑAN PNP ang usa ka regional target listed drug personality sa gipahigayon nga buy-bust operation didto sa Purok 2, Barangay Dionum, Piñan, Zamboanga del Norte sa may alas 8:00 sa kabuntagon sa Disyembre 3, ning tuiga.
Nailhan ang suspetsado sa pangalan nga si Blas Miro, 48 anyos, minyo, truck driver, ug lumulopyo ra usab sa nahisgutang lugar sa unahan.
Nakuha gikan sa iyang posisyon sa suspetsado ang upat (4) pakete sa shabu nga motimbang og kapin o kulang 5 gramos ug gibanabana nga mobalor sa 34,000.00 ka pesos.
Apil sa mga nakompiska ang 1,000 nga buy bust money isip marked money, duha ka mga bala, cellphone, motorsiklo ug uban pang mga drug paraphernalias nga iya sa suspetsado.
Sa pagkakaron ang suspetsado mag atubang na sa kasong paglapas sa RA 10591 ug RA 9165 o Comprehensive Dangerous Drugs Act of 2002 ang ipasaka batok kaniya.(Angelica T. Obina)