Pinaagi sa sunod-sunod nga anti-drug operations, mas gipakusgan sa Salug District Jail ang ilang kampanya batok sa ilegal nga droga, diin tanang Persons Deprived of Liberty (PDL) nakapasa sa drug testing ug migawas nga negatibo.
Ubos sa liderato ni Jail Senior Inspector Rolly L. Paner, Acting Jail Warden, gihimo ang maong kalihokan uban sa kooperasyon sa Philippine Drug Enforcement Agency (PDEA). Lakip sa mga gipahigayon ang drug symposium alang sa mga personahe ug PDL, random drug testing, ug greyhound operation sulod sa pasilidad.
Sumala sa pamunuan, ang resulta nga “negatibo” sa tanang drug test nagpakita sa lig-on nga paningkamot sa jail facility sa pagmintinar sa drug-free nga palibot. Nagpasabot usab kini nga epektibo ang ilang mga lakang sa seguridad ug monitoring batok sa pagsulod sa ilegal nga droga.(IKEN B. GULLEM)
Source: Salug District Jail-BJMP R9