Dako ug ngisi ang mga senior citizens sa 6 ka mga Purok sa Barangay Barra dakbayan sa Dipolog human nakadawat sa tagsa ka container biskwit.
Asoy ni Barra Clo Asis nga kinasingkasing nagpasalamat ni Governor Rosalina “Nanay Nene” Jalosjos sa kanunay nga suporta ug ayuda sa Barangay Barra ingon man sa tibuok probinsya sa Zamboanga del Norte.
Matud pa usab ni Konsehal Hassan Mamarinta nga bisan sa biscuits nga ayuda sa probinsya apan dako na kaayo kini’g bili alang sa mga senior citizens.
Si Alice Pontioso, Senior Citizen sa Barangay Barra malipayon nga nagkanayon nga silang mga tiguwang lami kaayo nila ang biskwit tungod kay humok ug dali ra usapon.
Kahibaloan nga si Governor Jalosjos naila nga Nanay Ayuda tungod sa paghatag sa walay puas nga ayuda sa mga taga Zamboanga del Norte subay sa iyang panultihon, “Misyon Ko, Tinuod Nga Serbisyo.”
(Source: Provincial Information Center Zanorte Facebook page)