Patay dihadiha dayun ang sa usa ka senior citizen, human kining nadisgrasya ug natusok ang ulo niini sa kabilya sa kamulong gihimong kalsada didto sa National Highway Bryg. Dos, Katipunan, Zamboanga del Norte, Hunyo 29, 2024.
Ang biktima nailhan sa pangalan nga si Doroteo Nudalo Bacara, 66 anyos ang panuigon ug residente sa Barangay Lower Irasan, Pres. Manuel A. Roxas, Zamboanga del Norte.
Matud pa sa tinubdang kapolisan nga si PCPL Elvin M. Cagbas aduna silay tawag nga nadawat gikan sa usa ka nagpakabanang katawhan nga adunay aksidente sa kadalanan sa nahisgutang dapit ug dali dayun nilang kining girespondehan.
Sumala pa ni PCPL Cagbas sa ilang pag imbestiga sa may alas nwebe sa gabie samtang gaulan ang biktima paingon kini sa National Highway sa Barangay Dos, Katipunan, Zamboanga del Norte, partikular na sa AIMCOOP-KATIPUNAN SATELITE OFFICE apan wala kini nakamatikod sa barikada sa karsada nga walay warning device ug aksidenteng nabangga kini hinungdan sa iyang pagkalagpot sa karsada ug naigo ang ulo sa kabilya ug milapos sa iyang dalunggan nga maoy hinungdan sa iyang kamatayon.
Kahibaloan usab nga ang biktima wala gasuot ug helmet sa iyang pagmaneho. (Angelica T. Obina)