Nagpahigayon og courtesy visit ang Schools Division Office (SDO) sa Dapitan City ngadto sa TESDA Zamboanga del Norte Provincial Office aron pormalisahon ang panag-uban pinaagi sa usa ka Memorandum of Agreement (MOA) nga magpalig-on sa Technical-Vocational-Livelihood (TVL) program.
Gipangunahan ni SGOD Chief Sherlito E. Sagapsapan ug SocMob Coordinator Rene D. Acabal ang delegasyon, ubos sa liderato ni Schools Division Superintendent Jay S. Montealto, CESO V, nga nagtumong sa pagdugtong sa edukasyon ug panginahanglan sa industriya.
Gipasiugda sa pagbisita ang panginahanglan sa paghatag og training sa TVL teachers nga wala pa’y National Certificate II (NC II) aron masiguro ang kalidad ug standard sa ilang pagtudlo.
Gilauman nga ang maong lakang magresulta sa mas lig-on nga partnership ug mas epektibong paghatag og teknikal nga edukasyon alang sa mga estudyante sa Dapitan City.(IKEN B. GULLEM)
Source: DepEd Tayo- Division of Dapitan City