Nagpahigayon og gift-giving ug feeding activity ang Salug District Jail isip kabahin sa ilang padayong mga programa alang sa kaayohan ug rehabilitasyon sa mga Persons Deprived of Liberty. Gipangulohan kini ni Jail Chief Inspector Samuel A. Nasiad, Jail Warden, uban sa boluntaryong suporta sa Labason Multi-purpose Cooperative Board of Directors.
Sa maong kalihokan, gihatagan ang tanang Persons Deprived of Liberty og gift bags nga naglangkob sa bugas, personal hygiene items, ug uban pang mga pangunang panginahanglan, isip pagpakita sa padayong pag-atiman ug suporta sa ilang kaayohan sulod sa pasilidad.
Padayon nga ginapadayon sa Salug District Jail ang mga inisyatiba nga nagpalig-on sa rehabilitasyon, dignidad, ug maayong kahimtangan sa mga Persons Deprived of Liberty pinaagi sa pakigtambayayong sa komunidad, alang sa mas luwas ug mas responsableng katilingban.(JENIFFER JR. DELICA)
Photo Courtesy: Salug District Jail- BJMPR9