Miresponde dayon ang personnel sa Liloy Municipal Fire Station, Shift B EMS, sa usa ka vehicular accident nga nahitabo alas onse kinse sa buntag niadtong Disyembre 28, 2025 sa Barangay Patawag, Liloy, Zamboanga del Norte, ubos sa liderato ni Acting Municipal Fire Marshal FINSP Dave C. Dela Cruz.
Pag-abot sa lugar, ang biktima anaa na sa pag-atiman sa Municipal Disaster Risk Reduction and Management Office. Ang pasyente conscious ug responsive, adunay samad sa tuo nga parietal nga bahin sa ulo ug daghang gagmay nga galos sa tuo nga taas ug ubos nga mga kamot ug tiil.
Gitabangan sa BFP EMS personnel ang pagbutang sa pasyente sa spine board, gisiguro ang hustong cervical alignment, ug gikuhaan og vital signs. Human niini, gidala dayon ang pasyente sa Liloy Integrated Health District Hospital alang sa dugang nga medikal nga pag-atiman.(JENIFFER JR. DELICA)
Photo Courtesy: BFP R9 Liloy Fire Station