Mipahigayon ug programa ang Salug District Jail ubos sa pamuno ni JCINSP Samuel A. Nasiad, Jail Warden, isip kabahin sa padayong paningkamot sa pagpaayo sa kahimtangan ug kinabuhi sa Persons Deprived of Liberty sulod sa pasilidad.
Gipahigayon ang “Katatagan, Kalusugan ug Damayan ng Komunidad (KKDK)” Program alang sa walo ka PDL, nga gipadagan ni JO1 Aljulaika M. Postigo, KKDK Facilitator. Mitutok ang sesyon sa paglikay sa mga tintasyon sa palibot, pinaagi sa mga diskusyon ug praktikal nga kalihokan nga nagtumong sa pagpalig-on sa huna-huna, disiplina, ug responsableng pagdesisyon.
Sumala sa administrasyon, ang maong programa usa ka hinungdanong lakang sa pag-andam sa mga PDL sa ilang pagbalik sa katilingban nga dili lamang magbag-o sa pamatasan, kundili mag-usab usab sa panglantaw sa kinabuhi.(JENIFFER JR. DELICA)
Source: Salug District Jail- BJMPR9