DAVAO CITY – Opisyal nang gi-turnover ang bag-ong mga pasilidad sa Kolehiyo ng Pantukan (KNP) aron mapalambo ang kalidad sa edukasyon sa lungsod sa Pantukan, Davao de Oro.
Ang turnover ceremony gipangunahan ni Mayor Noy Ceniza ug Vice Mayor Cirila Engbino, kauban si Davao de Oro 2nd District Cong. Jhong Ceniza ug ubang lokal nga opisyales. Ang gi-turnover nga mga proyekto naglakip sa Multi-purpose Building, Library, Cafeteria, School Clinic, ug Guidance Office.
Gibutyag ni Mayor Ceniza nga ang mga pasilidad napundohan pinaagi sa inisyatibo ni Cong. Jhong Ceniza.
Gawas sa eskwelahan, gi-turnover usab ang proyekto sa patubig sa Purok 6, Brgy. Magapalway, Bongabong.
Matud sa mayor, simbolo kini sa lig-on nga kooperasyon tali sa lokal ug nasyonal nga panggamhanan aron mas mapaayo ang serbisyo alang sa mga lumulupyo.(Camille Santos Naraga)(Source: Contributed)