Gipahigayon ang ceremonial distribution sa salt fertilizer niadtong nilabay nga adlaw sa Barangay Canawan, Salug, didto sa ilang Covered Court pinaagi sa inisyatiba sa Philippine Coconut Authority aron masuportahan ang mga mag-uuma sa lubi ug mapalambo ang produksyon niini sa lugar.
Sa maong kalihokan, gipanghatag ang fertilizer nga makasakop sa 300 ka ektarya sa tanomang lubi, diin matag ektarya nakadawat og upat ka sako nga asin nga fertilizer alang sa kwalipikadong mga mag-uuma.
Gitambongan usab ang aktibidad ni Ruth M. Brillantes, mayor sa lungsod, uban ni Elpedio A. Espiritu Jr. sa Philippine Coconut Authority, nga nagpahayag sa ilang suporta sa programa.
Sumala sa mga opisyal, ang maong inisyatiba nagpakita sa padayon nga kooperasyon tali sa lokal nga panggamhanan ug sa PCA aron mapalig-on ug masuportahan ang sektor sa pagpananom og lubi sa lungsod.(JENIFFER JR. DELICA)
Source: Municipality of SALUG