Gipadayon sa lokal nga panggamhanan ang road repair sa Barangay San Antonio, Osmeña isip kabahin sa ilang paningkamot nga mapaayo ang kahimtang sa mga kalsada alang sa kaluwasan ug kaharuhay sa publiko.
Sumala sa mga opisyal, ang maong proyekto nagtumong sa pagpalig-on sa imprastraktura sa lugar aron masiguro ang hapsay nga biyahe sa mga motorista ug lumalabay. Bisan pa sa pagsaka sa presyo sa krudo ug uban pang materyales, wala kini nakapugong sa padayon nga implementasyon sa road repair sa maong barangay.
Gipasiugda usab nga ang inisyatiba kabahin sa mas lapad nga commitment sa gobyerno sa paghatag og kalidad nga serbisyo sa komunidad ug pagpaayo sa panginabuhian sa katawhan pinaagi sa mas maayong dalan.
Gilauman nga ang kasamtangang paningkamot magdala og dugang kauswagan ug mas maayong kaugmaon alang sa tanan.(IKEN B. GULLEM)
Source: Ok KA YU