Gipatuman sa LGU Piñan Engineering Office ang road rehabilitation project sa Barangay Del Pilar, Piñan, Zamboanga del Norte aron mapaayo ang kahimtangan sa dalan ug masiguro ang mas luwas ug hapsay nga pagbiyahe sa mga residente ug motorista sa lugar.
Ang proyekto gipangulohan ni Eugene Dagurayan Mayon, municipal engineer, isip kabahin sa paningkamot sa lokal nga panggamhanan sa pagpalambo sa imprastruktura sa komunidad.
Nahimong posible ang maong proyekto pinaagi sa suporta sa PINasUtUY Program ni Pinpin Uy nga nagtumong sa pagpalig-on sa mga proyektong pangkaunlaran sa mga barangay.
Sumala sa LGU, ang road rehabilitation kabahin sa padayon nga paningkamot sa pagpaayo sa mga dalan aron mapalambo ang konektibidad ug mapadali ang pagbiyahe sa mga residente sa lungsod.(JENIFFER JR. DELICA)
Source: Mayor Rommel Gudmalin