Gipatuman sa mga personahe sa Sibutad Municipal Fire Station, nga gipangulohan ni Acting Municipal Fire Marshal, SFO2 Levi T. Clamohoy, ang usa ka Road Clearing Operation sa Brgy. Magsaysay, Sibutad, Zamboanga del Norte, kaniadtong Lunes sa buntag, Enero 5, 2026.
Ang kalihokan gihimo sa pakigtambayayong sa Sibutad Municipal Disaster Risk Reduction and Management Office (MDRRMO) aron matangtang ang mga babag sa dalan nga hinungdan sa nagkalain-laing natural debris.
Tumong sa hiniusang paningkamot ang pagsiguro sa kaluwasan sa mga motorista ug molakaw, ingon man ang padayon nga maayong kahimtangan ug accessibility sa mga lokal nga dalan.
Samtang, padayon ang panawagan sa mga awtoridad sa katawhan nga magbantay ug magtinabangay aron malikayan ang mga posibleng disgrasya sa dalan, ilabi na panahon sa dili maayo nga kahimtangan sa panahon.(IKEN B. GULLEM)
Source: BFP R9 Sibutad Municipal Fire Station