Sa usa ka emergency meeting nga gihimo sa Rural Health Unit (RHU) Sindangan, gitigom niini ang tanang personahe sa didto sa RHU conference room, uban ang tumong nga palig-onon ang panaghiusa, i-align pag-usab ang mga programa, ug pasig-ahon ang kadasig sa mga health worker.
Gipangulohan ang miting ni Dr. Rex V. Samson, kinsa misugod sa kalihokan pinaagi sa mainiton ug makapadasig nga panultihon aron mapataas ang morale sa mga personahe.
Gihisgutan sa miting ang dagkong operasyonal ug programatikong isyu, lakip ang refresher sa cold-chain management, updates sa Mass Drug Administration (MDA), ug ang mga giya sa Measles–Rubella Supplemental Immunization Activity (MR-SIA). Gisubay usab ang mga bag-ong update sa Adverse Events Following Immunization (AEFI) ug gihimo ang orientation sa incident reporting aron masiguro ang tukmang pagdumala sa mga kahimtangan sa kahimsog.
Kabahin usab sa agenda ang pagpalig-on sa professionalism, review sa mga nakab-ot sa MR-SIA, ug ang pagpaambit sa best practices ug epektibong estratehiya sa pagpatuman sa mga programa.
Sumala sa RHU, ang miting usa ka timely alignment aron marecall ang mga sukaranang prinsipyo, marecalibrate ang mga pamaagi, ug marefocus ang paningkamot padulong sa luwas, epektibo, ug makatawhanong paghatag og serbisyo panglawas alang sa katawhan.(IKEN B. GULLEM)
Source: RHU Sindangan